කුවල්‍ය – Kuvalya

සමරිසි පුද්ගලයෙකුගෙ සිත වෙනස් විය හැකිද? නොහැකිද? ඉතා ඉක්මණින් ඉපදිලා බිඳිලා යන සිත පරීක්ෂණයකට ලක් කළ හැකිද? සමරිසි ආදරවන්තයින් දෙදෙනෙකු අතරට ලස්සන සියුමැළි තරුණියක් ආවොත්…. ඉරණම කෙසේ විසඳේවිද? ආදරය වෙනස් වේවිද? එසේ විය හැකිද? මින් පෙර නොලද වෙනස්ම අත්දැකීමක් සමඟ.

“සොබා දහමෙන් අපිට කොච්චර දේවල් කියල දෙනවද. සොබා දහම තමයි අපූරුම මැවුම්කරු. ඉර, හඳ,අහස, පොළව, පවා මවලා තියෙන්නෙ නියමිත දුරින් මිනිස්සුන්ට ජීවත් වෙන්න පුළුවන් විදිහට. දන්නවද අයෝන්… අන්න ඒ සොබාදහම කියන මැවුම්කරු, දේවල් මවලා තියෙන්නේ නිතරම නොගැළපෙන දේවල් එක් කරලා ලස්සනට ගළපගන්න විදිහට. නොගැළපෙන දේවල් සමබර උනාම තමයි ලස්සනම. ඒක ස්වබාව ධර්මයේ රීතිය. නොගැළපෙන දේවල් එකතු උනාම තමයි සතුට රැඳිලා තියෙන්නේ. අන්න ඒ සොබාදහමේ මැවුම්කරු මවපු ලස්සනම නොගැළපීම තමයි ගැහැණියවයි පිරිමියාවයි. ලෝකෙ පැවැත්මත් එතනයි.”